Kliniese geval

Gedurende jou gemeenskapsdiens by 'n afgeleë kliniek in die Noordelike Provinsie, kom spreek 'n histeriese moeder met haar ernstig siek kleuter jou. Met jou ondersoek het die kind 'n temperatuur van 40,6°C. Abnormaliteite van die outonome senuweestelsel sluit die volgende in: onreëlmatige dilatasie van die pupille, en sweet. Jy vind ook tekens van boonste motorneuron paralise, met swakheid, verhoogde diep tendon reflekse, en ekstensor plantare reaksies. Volgens die moeder het die kind 'n koors, mialgie, anoreksie, naarheid en braking vir die afgelope vyf dae gehad. Gedurende die ondersoek het die pasiënt in 'n koma verval gevolg deur 'n apnee. Met die outopsie vind jy Negri liggaampies binne in die neurone, verspreid deur die brein veral in die serebrale korteks, die Purkinje selle van die serebellum, en die dorsale spinaalganglia. Dit is 'n aanduiding van hondsdolheid. Kom daar bindweefselsepta in dié ganglion voor? Watter tipe neurone kom voor en hoe vertoon die Nissl substans? Hoe verskil die Nissl substans van dié van 'n multipolêre neuron? Wat is kenmerkend van die rangskikking van die satelietselle? Is dié aksone gemiëliniseerd?

Mikroskopie

'n Baie lae vergroting van die rugmurg en spinaalganglion om die posisie van die spinaalganglion aan te dui. Fig 026-003

'n Hoë vergroting van die spinaalganglion om die verskillende strukture waaruit dit opgebou is aan te dui. Fig 026-007

Memorandum
Kliniese Geval	Fig 26-007	Fig 26-003