|
|
Spierweefsel |
|---|
|
Spierweefsel is gespesialiseerde selle waarvan die primêre funksie konstraksie is. Hierdie selle, genoem spiervesels, is verleng en parallel gerangskik. Die gekoördineerde kontraksie het beweging tot gevolg.
Spierweefsel kan geklassifiseer word op grond van voorkoms en plek van voorkoms. Gestreepte spier vertoon dwars strepe wat onder die mikroskoop sigbaar is, terwyl gladdespier dit nie vertoon nie. Gestreepte spier kan verder verdeel word in skeletspier en hartspier. Skeletspier is onder willekeurige senuwee beheer en daar word dikwels na verwys as willekeurige spier. Gladdespier is onder outonomiese senuwee beheer en beperk tot vissera en bloedvate. |
|
|
|
|
Skeletspiervesels is multinukluêre selle, waarvan die kerne direk onder die sarkolemma (selmembraan) geleë is. 'n Individuele vesel kan tot 35cm lank wees. 'n Volwasse spiervesel is saamgestel uit 'n groot aantal parallel verlopende miofibrille. Die miofibrille bestaan weer op hulle beurt uit oorvleulende parallel verlopende dun aktien filamente en dik miosien filamente. Die filamente word geanker aan spesifieke proteïene. Die funksionele eenheid van die fibril is die sarkomeer, wat tussen die twee Z-lyne voorkom.
'n Dun lagie bindweefsel, die endomesium, omring elke spiervesel. 'n Hele aantal spiervesels word saam gebondel om 'n fasciculus te vorm (meervoud fasciculi). Die bindweefsel laag wat die fasciculi omring staan bekend as die perimesium. 'n Individuele spier bestaan uit 'n aantal fasciculi wat omring word deur die epimesium, 'n dik digte bindweefsel kapsel. Die bindweefsel raamwerk is aaneenlopend met met die tendons en spier aanhegtings sodat die spierkragte gerig word na die been, vel, ensomeer. Spiere is baie vaskulêr met bloedvate wat in verskeie bindweefsel lae verloop. Die verskillende tipes kan histologies gesien word deur gebruik te maak van histochemiese tegnieke. (Sien Wheater Fig 6.13, Stevens en Lowe Fig 13.4). Skeletspier sametrekking word gereguleer deur die intrasellulêre kalsium wat gestoor word in die T-tubule sisteem. |
|
Hartspier is 'n vorm van gestreepte spier, maar verskil van skeletspier:
|
|
Gladdespier vesels is spindelvormig met 'n enkele sentraal geleë kern. Die aktien en miosien filamente is in 'n netwerk dwarsdeur die sel gerangskik behalwe in die kern area, daarom vertoon gladdespierselle nie die gestreeptheid wat kenmerkend is van gestreepte spier nie.
Die filamente is geanker aan mekaar en aan die selmembraan deur digte liggaampies. Hierdie selle besit nie 'n T-tubule sisteem nie en maak staat op ekstrasellulêre kalsium vir sametrekking. |
|
|
|
|
|||||||||||||||||||||||||||||||||||||
