Kliniese geval

As praktisyn in 'n klein dorpie langs die see word u laat een Saterdag middag deur 'n manlike pasiënt met pynlike sonbrand gekonsulteer. Volgens die pasiënt het hy gaan swem en op die strand aan die slaap geraak. Die vel van sy rug het ernstige eriteem met blaasvorming opgedoen. Lys die lae van die epidermis and dikvel van buite na binne. Wat is die verskil tussen melanosiete en keratinosiete? Hoekom kan vel as deel van die immuunsisteem geklassifiseer word? Watter selle sou u verwag om in die dermis te vind? Wat is dermale papillae en hoe word hulle gevorm? Wat is die anatomiese term vir die hypodermis? Hoe verskil dik- en dunvel van mekaar? Hoe word talgkliere geklassifiseer? Waar open talgkliere se afvoerbuise? Hoe word sweetkliere geklassifiseer? Hoe word tussen 'n talgklier en 'n sweetklier onderskei? Hoe word tussen die afvoerbuis en die sekretoriese eenheid van 'n sweetklier onderskei? Wat is die oriëntasie van 'n haarfollikel in vergelyking tot die velopppervlak? Wat is die siklus wat haargroei ondergaan? Wat is die laag van Huxley?

Mikroskopie

Hierdie is 'n baie lae vergroting om die lae van die handpalmvel wat as dikvel geklassifiseer word, aan te toon. Fig 93-002

Hierdie is 'n hoër vergroting van dikvel om die epidermis en papillêre laag van die dermis aan te dui. Fig 93-003

Hierdie is 'n hoë vergroting van dikvel om die retikulêre laag van die dermis en die sekretoriese eenhede en afvoerbuis van 'n sweetklier aan te dui. Fig 93-004

Memorandum
Kliniese Geval	Fig 93-002	Fig 93-003	Fig 93-004